Le site à visiter CHEMINS-BIDEAK ouvre au public le mercredi 27 Avril 2016 prochain.
>> voir le site web dédié : www.chemins-bideak.com
Proeiktua 4 ardatzez osatua da. Hemen klik egin ardatz bakoitza garatzeko:
Frantsiskanoen komentu desakralizatuaren eraikinak eta lurrak duela zenbait urtetik Donapaleuko Herriarenak dira.
Herri ondare hau, zaindu, babestu eta hobetu behar da bakoitzak erabiltzeko eta hartaz gozatzeko gisan.
Urtero, Jondoni Jakobeko 1500 ibiltariek (gutti gorabehera) eraikineko estaiko etzantegiak edo bakarkako logelak erabiltzen dituzte, Europako 3 bide nagusiak guruzatzen diren lekuan xuxen.
Herriak, beilarien errezibitzeko ardura Pirinio Atlantikoetako Jondoni Jakobeko lagunak elkartearen gomendio utzi du (Tel. 05.59.37.05.09). Biziki untsa ibiltzen da eta geroan ere oraingo baldintza beretan segituko du.
Arauen araberako obrak egiten ari dira, harrera eraikin hunek iraun dezan. Helgarritasuna bermatzeko obrak eraikinaren azpiko parte osoan egiten ari dira ere.
Bizkitartean eragile pribatuek, aterpetze mota desberdinak (hotelak, aterpeak, arrotz logelak) eta beste zerbitzuak ibiltariei proposatzen dituzte.
Sorde l’Abbaye, Erango eta Donapaleu artean kokatzen den Tours-eko bidea
40 km-ko oinezko bidea GR655 izendatua eta seinalatua, Sorde l’Abbaye, Erango eta Donapaleu batzen ditu Léren, Saint-Pé-de-Léren, Bastidaxarre, Burgue-Erreiti, Labetze-Bizkai, Lukuze-Altzumarta eta Garruze herrietatik pasatuz, Jondoni bideko TOURS bidetik.
Herri horiek, Pirinio Atlantikoetako departamenduko kontseiluaren obralaritzarekin batera, bi zentzutan hartzen ahalko den bide ederra babestea, antolatzea eta bere balioa agerian emaitea erabaki dute
Uhaitzak eta Biduze ibaia atzematen diren haran honetan, ondare aberatsek (Erdi Aroko zubiak, izendatutako elizak, eiherak, etxeak, herrixkak…edo Pirinioetako kasko goretan eta Nafarroako medietan diren paisaiak) “herri” honen xarma eragiten dute : Landesak, Gaskonia, Biarnoa eta Euskal herriaren artean deskubritzen ahal dira.
Bide osoan barna aterpetze desberdinak proposatuak dira, Sorde l’Abbaye eta Erango-ko herri aterpeak edo beste harrera pribatuak.
« Xibaltare » bidea.
« Chemin, Caminos, Path… » proiektuaren kari, 2014ko urriaren 4an, Donapaleuko herriak Xibaltareko bide berria estreinatu du. Herriko « Xibaltare » auzoan kokatzen den bidea, Jondoni Jakobeko bideen guretzebidea seinalatzen duen harriari lotuko dute.
Haritz eta gaztainondo oihanak trebeskatzen dituen bideak kalitate handiko seinaletika eta hobekuntzak ukan ditu. Edozein ibiltarik GR 654 eta 655 izendatua izan den bidea oren batez egiten ahalko du.
Crédit Agricole-ko « Pays de France » fundazioak obratze hori sariztatu eta diruztatu du.
Harritik partituz, bidea segitzen ahal da: Soihartze eta Haranbeltz kaperetara buruz joanez edo itzultzerakoan Donapaleurat buruz
Mezenas eskuzabal batzuei esker xendra hortan, San Salbatore kaskoan, Christian LAPIE-ren zizelkadura erraldoiak instalatuak izan dira. Pirinioetako eta Nafarroako mendi garaien parean den gune zoragarri honetan, zizelkadurek Amikuzeko paisaiak markatuko dituzte, milaka urtez erabilia izan den Gizadi Bide zaharrean, Europa eta Iberiar penintsularen artean.
Eraikitzen ari diren bi ibilbide hauek lau ezaugarri nagusi barnebiltzen dituzte:
- Ibilbideen antolaketek (obra larria, seinaletika euskarriak…) eskualde polit honen paisaia eta ondarea ezagutarazten lagunduko dute
- Ibilbide horiek bi zentzutan egiten ahalko dira (iparralde edo hegoaldeari buruz edo itzuli bat eginez). Beilari guziei edo oinez ibiltzea gustukoa dutenentzat idekiak dira (egun bat edo gehiago bide bada)
- Ibilbideak auzo herriekin partaidetza hertsian eraikiak izan dira
- Ibilbide hauek urririk dira
« Chemin, Bideak … » gunearen bisita egunero egiten ahalko da (pagatuz)
Bisita denek egiten ahalko dute eta edozein toki horietarat hurbiltzen ahalko da:
- Famatua den arkitekto eta paisaia antolatzaile europar batek egin baratzea
- Kalostra eta auditorioa: talentu handiko obralari batek osoki zaharberrituak
- Fresko handi-handia eta lagunduko duen museografia
- Erakusketa gela tematikoak
- Bi gune nun ondarea, historia eta ingurumena lantzen dituzten Ikus-entzunezko dokumentuak erakutsiko diren
40 000 urtez erabilia izan den Gizadiaren bide zahar batean kokatua, Nafarroako Donapaleu hiriak ondare gune handia ukanen du, Compostelako bide nagusien bidegurutzean eta UNESCO-k Gizadiaren Ondare Mundial gisa ekarri bidearen ondo-ondoan.
- Ikastetxeek, « Chemin, Bideak.. . » -en partaideek hots elkarteek, saltzaile eta Donapaleu eta bere eskualdeko enpresek, gune anitz erabiltzen ahalko dituzte: bilkura gelak, auditorioa, soinuz, argiz, bideo edo internetez hornituak diren gelak. Espazio horren bidez, haien aktibitateak (bilkurak, formakuntzak, konferentziak, komunikazioa…) garatzeko puntako tresna ukanen dute, ospe handiko ingurumenaren baitan.
- “Chemin, Bideak…” elkarteak gure gizarteek (kanpañetako ttipienetatik hirietako handienetarat) buru egin behar dieten garapen desafio handien artean hautatu gai bakar baten inguruko bi urtetarik behingo programazioa aurkeztu eta landuko du. Gaia hamar bat hitzorduen bidez tratatua eta deklinatua izanen da manera desberdinez: erakusketa teknikoak, heziketa erakusketak, erakusketa artistikoak, konferentziak, formakuntzak, tailer profesionalak, animazioak, publiko berezitu bati (profesionalak, hautetsiak, ikasleak, publiko zabala…) itzuli praktika trukaketak.
Programazio eta egitarau honen helburua (tokiko eragile sozioekonomikoen laguntzarekin) praktika sozial, profesional edo pertsonalak garapen iraunkorrari egokitzen laguntzea da.